مسرور بارزانی: چ پرۆژەیەکێ بۆ خەلکێ ئیدارا سەربەخۆ یا زاخۆ بهێتە پێشکێشکرن ژ هەژینە
ئەڤرۆ ڕێکەڤتی ١٤ی تەباخا ٢٠٢٢ێ، ل ئیدارا سەربەخۆ یا زاخۆ، ب ئامادەبوونا جەنابێ ڕێزدار مسرور بارزانی سەرۆکێ حکومەتا هەرێما کوردستانێ،کۆرنیشێ گەشتیاریێ پرا دەلال، هاتە ڤەکرن و کەڤتە د خزمەتا خەلکێ دەڤەرێدا.
د پەیڤەکێدا سەرۆکێ حکومەتێ دیارکر، گرنگە ئەڤرۆ گرنگیێ بدینە پێشئێخستنا کەرتێ گەشتیاری ل هەرێما کوردستانێ، خوەشحالم ئەڤرۆ ل ئیدارا سەربەخۆ یا زاخۆ، کو دێ پرۆژەکی گەشتیاریێ ب ناڤێ کۆرنیشێ پرا دەلال کەڤیتە د خزمەتا خەلکێ خوەشتڤیێ دەڤەرێ و هەموو کوردستانێ دا.
لەورا، چ پرۆژەیەکی بۆ خەلکێ ڤێ دەڤەرێ بهێتە پێشکێشکرن ژ هەژینە. وەک حکومەتا هەرێما کوردستانێ ژی دێ د بەردەوامبین لسەر ئەرک و پێشکێشکرنا خزمەتگوزارییان.
