ب چاڤدێرییا جەنابێ ڕێزدار مسرور بارزانی سەرۆکێ حکومەتا هەرێما کوردستانێ، بەرێ بنیاتی بۆ هژمارەیەکا پرۆژێن ستراتیژی ل سنۆرێ ئیدارا سەربەخۆ یا زاخۆ ب گۆژمێ ٢٦.٥٠٠.٠٠٠.٠٠٠ بیست و شەش ملیار و پێنج سەد ملیۆن دیناران هات دانان.
ئەڤرۆ ڕێکەڤتی ٢٧ی ئەیلۆلا ٢٠٢٢ێ، ل ئیدارا سەربەخۆ یا زاخۆ، ب چاڤدێرییا ڕێزدار مسرور بارزانی سەرۆکێ حکومەتا هەرێما کوردستانێ،بەرێ بنیاتی بۆ هژمارەیەکا پرۆژێن ستراتیژی ل سنۆرێ ئیدارا سەربەخۆ یا زاخۆ ب گۆژمێ ٢٦.٥٠٠.٠٠٠.٠٠٠ بیست و شەش ملیار و پێنج سەد ملیۆن دیناران هات دانان.
مسرور بارزانی سەرۆکێ حکومەتا هەرێما کوردستانێ، د پەیڤەکێدا ڕاگەهاندن، چ یا ژبو خەلکێ خوەشتڤیێ دەڤەرا زاخۆ بهێتە کرن ب مافێ وان د زانین ،زاخۆ ناوچەیەکی گرنگە ژبو مە، چونکی خەلکێ وێ دهەموو شورەشێن ڕزگاریخواز دا شەهید و قوربانی دایینە.
بارزانی گووتژی، خوەشحالم لسنۆرێ ئیدارا سەربەخۆ یا زاخۆ، بەرێ بنیاتێ ژبو هژمارەیەکا پرۆژێن خزمەتگوزاری و ستراتیژی جێبەجێبکین، کو ژوانا دروستکرنا جووتسایدێ ئیبراهیم خەلیل ـ باچیکا ، جووتسایدێ قەزا باتیفا ، جووتسایدێ ناحیا دەرکارێ و دوو قوتابخانەیان ل سنۆرێ ئیدارا سەربەخۆ یا زاخۆ زێدەبار نووژەنکرنا بازارێ کەڤنێ زاخۆ، ب شێوازێ کلتۆریێ کەڤن.
ژ ئالیێ خوەڤە بەرێز گوهدار شێخۆ سەرپەرشتێ ئیدارا سەربەخۆ یا زاخۆ، گووت، ئەڤرۆ ژبۆ مە ڕۆژەکا مێژووییە، پشتی دەربازبوونا سالەکێ لسەر ئیدارەبوونا زاخۆ، جەنابێ ڕێزدار مسرور بارزانی سەرۆکێ حکومەتا هەرێما کوردستانێ، سەرەدانا زاخۆ کری و بەرێ بنیاتێ هژمارەیەکا پرۆژێن ستراتیژی لێ دانایی.
دهێتە زانین د سالا دەربازبوویدا سەرۆکێ حکومەتا هەرێما کوردستانێ، ڕازەمەندییا ١١٥ پرۆژەیێن ستراتیژی و خزمەتگوزاری ل سنۆرێ ئیدارا سەربەخۆ زاخۆ دا بوو، و پرانییان وان کەڤتینە دبوارێ بجهئینان و جێبەجێکرنێدا و گەلەک ژی ب داوویهاتینە.
