گوهدار شێخۆ : دەستێ حکومەتا هەرێما کوردستانێ کابینا نەهێ، ژبۆ پێشکێشکرنا خزمەتگوزاریان گەهشتیە هەموو ئالییەکێ
ئەڤرۆ رێککەڤتی ٨ی شوباتا ٢٠٢٤، لسەر ڕاسپاردێن جەنابێ ڕێزدار مسرور بارزانی سەرۆکێ حکومەتا هەرێما کوردستانێ، کابینا نەهێ و ب چاڤدێریا رێزدار گوهدار شێخۆ سەرپەرشتێ ئیدارا سەربەخۆ یا زاخۆ، بەرێ بنیاتێ پرۆژێن ( نووژەنکرنا کانیا دێرەبوونێ، هۆلا لالش و دێرا مارگۆرگیس ل پێشیابیرێ و چێکرنا زالگەها ئیدارا سەربەخۆ یا زاخۆ ) ب گۆژمێ ١،٩٨٦،٢٨٥،٠٠٠ ملیار دیناران هاتە دەینان، ژ ئالیێ کۆمپانیا ماستر رود یا قۆنتەراتێن بیناسازی و کارەبێ، ڤە هێنە جێبەجێکرن.
د پەیڤا خوەدا شێخۆ دیارکر، ب سەرۆکاتیا رێزدار مسرور بارزانی سەرۆکێ حکومەتا هەرێما کوردستان، ئاڤەدانی ل هەموو سنوورێ ئیدارا سەربەخۆ یا زاخۆ د بەردەوامە، دەستێ وێ ژ بۆ پێشکێشکرنا خزمەتگوزاریان گەهشتییە هەموو ئالییەکێ و بێ جیاوازی.
ڕاگەهاندنا
ئیدارا سەربەخۆ یا زاخۆ
٨ی شوباتا ٢٠٢٤
