ئەڤرۆ رێککەڤتی ٦ی تەباخا ٢٠٢٤ ب چاڤدێریا رێزدار گوهدار شێخۆ سەرپەرشتێ ئیدارا سەربەخۆ یا زاخۆ،خۆلا بناڤێ ( پرۆژێ بهێزکرنا لاوان، پێشڤەبرنا شیانێن وان بۆ ئاڤاکرنا پێشەرۆژەکا گەشتر ) کو تێدا ٢٠٠ دووسەد کچ و کور ب ڕاهێنان و پەیداکرنا دەلیڤێن کاری دەرچوون، کو ئەڤ خۆلە ژ ئالیێن دەزگەهێ رەوانگەهـ و GIZ و WHH ڤە هاتبوون رێکخستن.د پەیڤەکێدا شێخۆ، بەحس ل کارنامەیا کابینا نەهێ ب سەرۆکاتیا جەنابێ رێزدار مسرور بارزانی سەرۆکێ حکومەتا هەرێما کوردستانێ خزمەتکرنا تەخا گەنجان و پێشئێخستنا شیانێن کر، و پەیداکرنا دەلیڤێن کاری بۆ گەنجێن دەڤەرێ و فێربوونا وان ب رێیا راهێنانێن پیشەیی ژ هەموو روویەکێ ڤە.گووتژی، خوەشبەختانە پشتی ئیدارەبوونا زاخۆ ب سەدان پرۆژێن خزمەتگوزاریێن جورا و جوور ب داووی هاتینە و کەڤتینە د خزمەتا خەلکێ دەڤەرێدا، بێ گۆمان ئەڤرۆ ژی دڤێ مەراسیمێدا دووسەد کور و کچێن باژێرێ مە بوونە خودان کار ب رێیا ڤەکرنا خۆلێن پیشەیێن جودا جودا.دیارکرژی، وەک حکومەتا هەرێما کوردستانێ پشتەڤان و پالپشتێن گەنجێن خوەنە بۆ پێشئێخستنا شیانێن وان بۆ پەیداکرنا دەلیڤێن کاری.
